السلام عليكم ورحمه الله وبركاته ازيكم يافتوكات يارب تكونوا بخير واحسن حال
الاول صلوا على سيدنا محمد والتانى كل سنه وانتم طيبين بمناسبه رمضان
ربنا يبلغنا رمضان يارب ويرضى عنا ويتقبله منا ويجعلنا من المعتوقين فيه يارب
انهارده هكتب عن موضوع مهم جداااااااا جدااااا ومعلش انا اختصيت بيه المغتربات
طبعا فى ناس كتير بتعمله الا من رحم ربى ربنا يعافينا جميعا بس احنا المغتربات
بيكون ولا حول ولا قوه الا بالله اكتر هو ايه بقى ؟؟؟؟؟؟؟؟؟؟ رغيت كتير معلش
هو يا بنات الاسراف فى الاكل واللبس والمصريف وكل حاجه وبالذات الاكل
والله يابنات بشوف حاجات ربنا يعافينا يارب انا بتكلم عن كل حاجه فى الاكل
حتى لقمه العيش ليييييييه؟؟؟؟؟؟ علشان بنستهون بيها جدا وفى ناس تانيه
بيجيبوها من الزباله اعازكم الله وانا بشوف ناس مثلا بنكون بناكل والقيهم بعد الاكل
احنا هنا بناكل على مفارش الرول زى مانتم عارفين يروحو كابين مثلا باقى الجبنه الرومى
على باقى بيض امليت على باقى فول على طبعا عيش ولقم توست وفينو و و و و و
وفى ناس مابتلاقيش تاكل فول بنص جنيه ولا حته عيش حاااااف سبحان الله
ولا لو شفتوا فى العزومات يا سلام على الاكل اللى بترمى فى الزباله ولا حول ولا قوه الا بالله
شتوا طبعا انا مش بعمم لحسن هلاقى كلوا داخل يضربنى هههههههههههههه
بجد انا مش عايزه اضيقكم بس الموضوع ده مؤسف جدااااااا
للاسف مش قادره احط صوره واحده لطفل من اطفال الشوارع اللى بتاكل من الزباله
صورهم هتجرحكوا جامد يا ريت اللى عايز يتفرج للتذكره يدخل ويشوف اللى عايزه
اقوله ان حرام حرام علينا لما ربنا يكرمنا بشويه فلوس نتبطر على النعمه ونرمى
ونقول فى تانى فى غيرنا محتاجها طيب ايه الحل؟
تعملى اكل على قدك انتى وعيالك وزوجك ولما تدى عيل من عيالك
سندوتش اديلو سندوتش صغير قوليلوا يا حبيبى لما تخلص هديك تانى علشان لو كبير مش هيخلصو
وممكن ينشف وترميه وعلشان يكون قنوع ومايخدش على الحاجات الكتير
مثلا لو عندك عيش لقم نشفيه واعملى فته
لو عندك فينو او توست نشفيه واعمليه بقسمات
انا شفتت هنا فى موضوع للقمامه
لو خلاص العيش عفن بردو نشفيه بس حطيه فى كيس مش فى الزباله على طول
واستحضرى نيه ان حد يستفيد بيه حتى ولو كان قطه او كلب
لو مثلا رز وخلاص لازم يترمى بردو نفس النظام فى كيس نضيف واقفليه
بالنسبه الزجاج اى حاجه تتكسر ده بعيد عن موضوعنا بس للافاده حطيه بردو فى كيس
علشان لو حد بيدور فى الزباله على حاجه مايتعورش وكل دى نوايا تخدى عليها حسنات
بأذن الله]
