ازيكم يا بناويت عامليه ايه وحشتووووونى وبحبكم اوى وبدعيلكم والله على طول وانتوا متنسوش تدعولى بصلاح الحال والزوج الصالح
بصوا بقى هتكلم معاكم فى حاجه كتيييييييييير اوى بيستهون بيها مع انها كبييييييييره اوى ومينفعش خالص نستهون بيها
وهنتكلمم ع بعض براحع خااااالص يا انا اقنعك انك غلط يا انتى تقنعينى ان انا غلط
وبراحه خااالص ومن غير خناقات وشد شعر
هتكلم عن
(((( اللبس الضيق ))))
حاجه يا بنات انتوا شايفنها ضغيره اوى وبتستهونوا بيها
وهنتكلم عنها واحده واحده وبراحه خااااااااالص
اللبس الضيق
ليه يا حبيبتى بتلبسى ضيق وجهه نظرك ايه فى اللبس ده انا عن نفسى شايفاه مش حلو ومش مريح خااااااااااالص يعنى ازاى مثلا وانتى خارجه بتعرفى تقعدى زى الناس والبنطلون المحزق الجينز ماسك فيكى
ولا البدى اللى خلاص هيتفرتك ؟؟؟؟؟؟؟؟
هتقولى شياكه وهى دى الموضه غلط يا حبيبتى الموضه اللى نغضب بيها ربنا نحطها تحت جذمتنا الموضه اللى تدخلنا الناار تتحرق هى
تعرفى الموضه يعنى ايه يعنى لبس واسع محترم وشيك ومش ملفت وقتها بس تبقى الموضه حلوه وجميله
انا عن نفسى والله لما بشترى لبس بتبقى معاناه الاقى كل اللى نازل وان ساااااااايز طيب ده بقى يبقى شكله ازاى اكيد هيبقى ماسك خالص ولو مليانه شويه هيبقى عامل زى استك هيتقطعه عليا وده طبعا ميلزمنيش
فيه واحده تانى تقولى انا عايزه ابقى زى اصحابى يعنى هما ماشيين ورا الموضه وانا بس اللى يبقى لبسى مبهدل فى وسطهم
عارفه انه بتقولى كده لانى كنت زيك والله بسسسس صاحبتك اللى تدلك على الشر دى متستحقش تبقى صاحبتك انا عن تجربه كان فيه بنات تقولى خليكى كده زينا موزه وحلوه ولبسك شيك هتبقى احلى واحده فى الدنيا
وكان فيه بقى الصحبات المحترمين كانوا على طول يكلمونى عن الحجاب الشرعى وعن اللبس المحترم وانه الواحده تبقى جميله باحترامها ولبسها الكويس مش بالمحزق والملزق
كانت دماغى تودى وتجيب لحد ما حبيت اوى اللبس المحترم الواسع وبقيت ممكن الف المحافظه كلها علشان اجيب حاجه محترمه وواسعه
اتكلمنا عن نوعين من كلام البنات
طيب النوع التالت اللى بيقول بلبس ضيق علشان اتجوز ما فيه رجاله بتحب الواحده الشيك اقولك بقى استوب وتعالى نتناقش
استحااااااااااااااااااااااااااله يا حبيبتى راجل مسلم شرقى على حق يرضى يتجوز بنت بتلبس بالطريقه دى اه فيه بيرضى بس قليل وبجد مش عارفه اقول عليهم ايه
الراجل بطبيعته غيور اوووووووى وميحبش اللى يرتبط بيها مليون عين دققت فى جسمها وعرفت ملامح جسمها
طيب احكيلكم على موقف والله حصل من اسبوع كده كنت فى فرح عقبالى يارب قولوا امين
المهم بنت وقفت على الاستيدج يعنى المسرح ترقص ومقلوكوش بقى كانت لابسه كاجوال ولبس هيتفرتك من عليها فعلا وايه بقى رقص رقص ولا فيفى عبده فى زمانها ههههه والله العظيم انا بقيت مكسوفه ونفسى اروح اغطيها واقولها اتقى الله
عارفين يا بنات كل الكاميرات بتاع الفرح عليها وكمان كان فيه شاشه كبيره طبعا ظاهره عليها وبقى الشباب يرجروا ينادوا الشباب اللى واقفه بره القاعه المهم ابص الاقى كل العيون مبحلقه واللى يتكلم فى شرفها ويقول تلاقيها وتلاقيها واللى يقول ياااه ادى البنات
بس سمعت جمله من شاب بيتكلم مع واحد صاحبه وبيقوله انا بقى نفسى اتجوز واحده زى دى وكلام بقى بجد قله ادب انا اتصعقت منها
راح صاحبه التانى رد و بيقوله النوع ده للفرجه يا حبيبى بس يعنى اتفرج براحتك اما بقى اللى تعيش معاك وتربى اولادك وحده مش الاشكال دى خااااااااالص
والله يا بنات كنت هعيط من الكلام ده واخدت ماما واخويا ومشينا من الفرح
يااااااااه اختى فى الله بيتقال عليها كده واكيد بنات زيها كتير بيتقال عليهم كده
مش لازم تبقى بترقص لا برضه اللى لابسه لبس ضيق بيقعدوا يبصوا وبيعاكسوا وبعد ما تمشى بيتكلموا كلام وحش فى حقها وياريت بس فى حقها لالالالالا ده كمان فى حق اهلها وتربيتها
والعيب الاول والاخير على البيت ازااااااااى يا امى ويا ام واب لكل بنت ترضى تخلى بنت تخرج من البيت كده انصحيه يا امى مره واتنين وتلاته ولو مقبلتش النصيحه شدى عليها انتى يا امى هتتحاسبى عليها
امى الحبيبه اقرى الحديث ده
عن عبد الله بن عمر رضي الله عنهما: أن النبي صلى الله عليه وسلم قال: (كلكم راع، وكلكم مسئول عن رعيته، فالإمام راع وهو مسئول عن رعيته، والرجل راع على أهل بيته وهو مسئول عن رعيته، والمرأة راعية في بيت زوجها وهي مسئولة عن رعيتها، والرجل راع في مال أبيه وهو مسئول عن رعيته، فكلكم راع وكلكم مسئول عن رعيته) رواه البخاري و مسلم .
انصحيها يا امى مره واتنين وتلاته وشدى عليها دى امانه فى رقبتك وهتتحاسبى عليها
اختى فى الله
يرضيكى بسببك اخوكى فى الاسلام يتفتن وانتى عارفه الزمن اللى احنا فيه ده الماديات مفيش ومفيش شاب قادر على مصاريف الجواز
ويرضيكى بسببك واحد متجوز يكره مراته ما هو شايفك انتى موزه من الاخر وجسمك حلو يروح بقى يلاقى مراته فى البيت جسمها من الحمل والولاده بايظ ويفضل بقى ينكد عليها بسببك
وتشيلى ذنب
يرضيكى ؟؟؟؟؟؟؟؟؟؟
انا عارفه انك مش هيرضيكى
طيب يرضيكى واحده تشوفك وتقلدك وتروح بقى تشترى المحزق والملزق وتلبس ما هو بقى عايزه تواكب العصر
وانتى تشيلى ذنبها وياريت ذنبها بس لالالالالالالالالالالا دى كل واحده هتقلد البنت دى انتى هتاخدى ذنبها
طيب شوفى الرسول الكريم صل اله عليه وسلم بيقولنا ايه
صلى الله عليه وسلم يقول: ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) اخرجه مسلم في صحيحه.
عن النبي صلى الله عليه وسلم أنه قال: ((من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا))
ودى رساله منى لكل الشاب اه العيب على البنت اللى بتخرج كده بس ده مش سبب انك تبص ليها او تتكلم عنها كلمه مش كويسه
افتكر
((((كما تدين تدااااااااااان ))))
افتكر اخى
انك عندك اخت وام وهيكون ليك زوجه وبنت بعد كده اتقى الله
ممكن يحصل كده لمراتك او بنتك او اختك او امك ووقتها بس هتعرف مراره الاحساس ده
وافتكر الايه دى لما تيجى تفكر تبص لواحده
قوله تعالى : ( قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون
النبي عليه السلام قال لعلي : لا تتبع النظرة فإنما لك الأولى وليس لك الآخرة .
ها يا حبيبتى هتفكرى تغيرى طريقه لبسك
والله يا حبيبتى مفيش حاجه تستاهل نغضب ربنا علشانها خااااااااالص
جوزك ومكتوبلك مهما تعملى يعنى مش لبسك الضيق اللى هيخليكى تتجوزى وانام ش ناقصين ذنوب فكرى كده مع نفسك براحه وقررى
وانا كلامى ده والله من حبى ليكى وخوفى عليكى
متنسوش بقى يا بنات دعوه حلوه من قلبكم ليا ولجميع بنات المسلمين بالازواج الصالحين وبصلاح الحال
وبالله عليكى لو شايفه الموضوع مهم قيميه والله مش ليا علشان بنات كتير تشوفه وتعم الاجر والفائده
وبالله عليكى لو الموضوع مش عاجبك متقيميش سىء يمكن يهدى واحده ويبقى فى ميزان حسناتك
بحبكم فى الله
اختكم توتــــــــــــــا
وقريب اوووووى ان شاء الله هتكلم عن الميك اب والبنات اللى بتخرج متطيبه ومتعطره
