احساس غريب لما.....

موضوع: احساس غريب لما..... السبت مايو 26, 2012 4:16 am

احساس غريب اوى لما الناس تيجى تتكلم معاك وتجببك فى نفسك وتديك

ثقه كبيـــــرة فى نفسك ويحسسوك انهم بيحبوك بجد...

بس انت عارف ومتأكد مليون فى الميه ان كـــــــل اللى بيعملوه مجرد

تمثيل يستاهلوا عليه جايزة اوسكار .

لا وكمان مفكرينك ساذج مش حاسس انهم بيمثلوا عليك لمجرد انهم

عايزين منك مصلحه..

وانت قدمهم تضحك وتتكلم وتضحكهم كمجرد محاوله بتحاول تحببهم فيك

بجد ومش قادر...وبعد ماتمشى وتسيبهم تظهر مشاعرك الحقيقيه ،ويظهر

ضعفك فى عيونك وعذابك وآلامك فى دموع عيونك

نفسك تعمل حاجة..نفسك تصرخ فى وشهم وتقول "كفايه ..حرام عليكم

اللى بتعملوه فيا" وكالعادة ماتقدرش لانك خايف..ايوة خايف

خايف تبقى وحيد رغم انك معاهم او مش معاهم بتحس بالوحدة لانك عارف

حقيقتهم... بس فى فرق بين ان تلاقى حد وانت ماشى فى الشارع

يقولك "ازيك؟"ويديك امل انه بيحبك ،وفرق بين لما تمشى وتنزل راسك فى

الارض ومحدش مديك اى اهتمام وعلشان ترفع من معنوياتك تقول

لنفسك"ازيك؟".. بتحاول ياعينى تدى نفسك الامل اللى محدش مديهولك..

احساس غريب..احساس فى منتهى الصعوبه وفى قمه الالم.

عارف الحل لكل دة هتلاقيه فين؟؟الحل هتلاقيه فى قوتك..الحل موجود فى

ارادتك وفى عزيمتك ...الحل فى ايمانك بالله ووثوقك فيه انه مش

هاسيبك...الحل فانك تكون شخصيتك بنفسك حاول تكون شمعه قايدة لكل

الناس حاول تكون صادق مع نفسك..هاتقول للناس عيوبهم وممكن يزعلوا

منك ونبقى ماجبناش حاجة من عندنا ! لا على الاقل فى واحد هايسمعك وعلى

الاقل فى واحد تانى هايحاول يجرب كلامك ونصيحتك ليه .حاول تبنى حب

الناس وكون انسان عادى مع كــــــــل شخص بتقابله مهما كان; لان انت هو

انت واللى هايحبك لازم يحبك على حقيقتك مش يحب وشك الفرحان وهو

مايعرفش انك عندك وحش دايما زعلان..حاول وهاتقدر ،جرب

وهاتوصل..وصدقنى مش هاتخسر كتير ولا هاتخسر اى حاجة

اصلا..بالعكس دا انت هاتكسب كتيــــــــــــر اوى

هاتكسب انك عملت شخصيتك بنفسك ،،هاتكسب ان الناس هاتحب فيك

طبيعتك،،هاتكسب صفات جديدة تخليك تسعد الناس اكتر واكتر

وماتنساش حاجة مهمه!!

مش من اول مرة هاتكسب كل دة حاول مرة حاول اتنين حاول الف مرة بس

الاهم تكون ع ثقه فى نفسك انك هاتقدر توصل لأى حاجة انت عاوزها.

((دة مجرد كلام انا كتبته بس قبل ما اكتبه حسيته وحسيت فعلا معنى

القوه والعزيمه والايمان واتمنى ان اى حد قابله نفس المشكله يستعين

بالكلام دة وصدقونى الحكايه سهله وبسيطة اوى الحكايه كلها مجرد تجربه

زى ا ى تجربه من تجارب الحياة

جربوا وصدقونى....هاتنجحوا ))

احساس غريب لما..... Solar%20Devotion3

هو الواحد ايه غير اانه
تجربه يا خلود

وعندك حق والله

لازم اللى يحبك يعرفك على حقيقتك مش وش واحد بس

شكرا يا محمود ع مرورك نــــــــــــورت وفعلا الحياة تجربه واحدة بيتفرع منها فـــــــــــــروع تجارب بتعلمنا ازاى نعيش وازاى نكسب حب الناس او كرههم مرة تانى منور

» حزين غريب
» غريب هذا الاحساس !!
» الأسرار عالم غريب
» مبنى غريب يتغير كل ساعه
» احساس صعب