هحكيلكم حكاية تنفع تكون حدوتة

هحكيلكم حكاية تنفع تكون حدوتة

فيها الحب جانى فيها القلوب مكسورة

* * *
كان يا مكان كان من زمان كنت واقف فى أمان

لمحت عينيا طيفها جية سكت لسانى عن الكلام

روحت يومها سعيد شايف صورتها من بعيد

بقول لنفسى مالى ايه بس اللى جرالى

ايه غيرلى حالى و لخبطلى كيانى

* * *
يوم وارا يوم ما يجيلى نوم

سهران لوحدى مع النجوم

قررت أنا أقولها إن أنا بحبها

دقات قلبى بدأت تزيد لما قلتلى بحبك أكيد

كنت مستنية اللحظة اللى تقولى فيها بحبك

رديت فى نفس اللحظة قلتها يا بختى بحبك

* * *
يوم بعد يوم قلبى المحروم

حس بسعادة ياريت تدوم

رحت لباباها أطلبها منه صدمنى معرفتش أقوم

رفضنى و بعد بعيد و سبنى و الأحزان وحيد

سألته ليه ترفضنى قاللى انا مش رفضك

سألته عن أسبابه كان رده مش مرتحلك

* * *
يوم وارا يوم حسيت بلوم

من قلبى المظلوم

ازاى أنا أحبها و حاولت أسكن قلبها

فكرت أحب من جديد لقتنى مش هبقى سعيد

لأنها حياتى مقدرش أعيش من غيرها

من غيرها يبقى مماتى أموت ومعش لغيرها

* * *
وديه كانت الحكاية من أولها لآخرها

مش عارف النهاية معاها ولا مع غيرها